About us (CN)
About Us
大家好，我叫拖肥，係一隻已經成為天使既忌廉色女仔Toy poodle。
我好貪食，只要有美食係我咀前經過我都唔會放過。我有一班好錫我既奴才，每一日都有豐富既美食，所以形成左好有肉地既身型 (雖然我唔覺得)。唔知點解每次見到醫生都叫我減肥，可能每個人既審美觀都唔同吧。
奴才仲話我每個晚上都會用鼻寒聲演奏出動人既旋律，佢真係好榮幸呀。
我有時好蠢 (你哋以為) 但實際上我不知幾聰明，想啋你就啋，唔想啋扮唔識聽就得啦。但有時候我都會交下差，撒下嬌咁，美食就會自然到手，又可以氹下啲奴才歡心，何樂而不為。
我而家去左做天使啦，個到有無盡既美食，有我最愛既雞蛋仔，奴才話總有一天會相聚，希望到時我唔會肥到佢認唔出我啦
大家好，我叫卷卷，係一隻灰色女仔toy poodle 。
奴才成日話我矮得得，明明我係屋企係最高高在上既。細個時我乜都唔識，好鍾意將啲食物拋來拋去，但後來因為一次風球，我驚驚淆底了，從此開始知道食物既珍貴，所以直到而家都以旋風式吸入食物，我真係好叻好有效率呀。
奴才相機有我幾百張西面相，佢地成日話我唔笑，其實我都唔知有乜好影，不過有時佢哋表現好(陪我跑下) 我咪笑一陣獎勵下佢哋啦 (不過9成係熱得滯) 冇所謂啦當做下善事。
佢哋成日話我蠢，佢哋知唔知個蠢字點寫？我真係識聽佢哋講野嫁，一放飯同入房訓覺我都識聽，你話我係咪蠢呀？定係你哋太蠢以為我蠢咋？
我心中既男神oppa係standard poodle，我以前有個男朋友仔嫁，佢真係好高好man好吸引我，不過我覺得佢主人啲雞肉條再吸引多啲啲，最後因為相隔得太遠所以我飛左佢啦，係佢既可惜。
暫時黎講我對奴才既工作表現都好滿意，希望佢哋可以繼續為我效力，繼續寵愛我。